Larsnes/Gursken tok imot Ørsta til dyst i runde.18 av 4.divisjon og det skulle bli målshow på River Plate i Gursken.
Bortelaget tok leiinga Simen Tømmerbakk Flekke då høgrevingen forfulgte ein lang ball og scora sikkert.
Så blei det drama etter 16.min då Ørsta blei redusert til ti mann då Per Evebø Haug felte som sistemann.
Robin Jackson Indreflø scora på ein retur på det påfølgande frisparket.
Likevel tok Ørsta leiinga igjen der hårstussane til Mats Øvrebotten møtte frisparket frå høgre.
Heimelaget svarte før pause ved Sebastian Moldskred Kleven. Men der stoppa moroa for heimelaget.
For etter pause sette Øvrebotten inn tre mål og meir om alt ser dykk i videoen under!
Elles i divisjonen er Volda ny serieleiar etter at Hareid blei slått 2-0.
Kenneth-Andre Hole og Tobias Vassbotn Evebø sytte for måla for Lars-Petter Rønnestad sine menn.
Bergsøy gjekk på ein smell mot Rollon der Franjo Tepuric bomma på straffe på 0-0.
Iver Flåthe Lindseth ga heimelaget leiinga før Benjamin Leine av alle utlikna før pause.
Så fekk Rollon straffe som Andreas Blindheim ekspederte i mål før Kenneth Diallo punkterte kampen.
På det tidspunktet hadde også Lindseth fått raudt kort.
God helg!
